laugardagur, maí 6

er heima best?

eftir sextán vikna útlegð, eitt þúsund fjögurhundruð áttatíu og sjö moskítóbit, sautján þúsund blogguð orð, fjóra brúsa af sólarvörn, þrjúhundruð þrjátíu og sex keypta vatnslítra, örfáum krónum fátækari og reynslunni ríkari, þá erum við komin heim.



við komuna í stöðina hans leifs biðu okkar höfðinglegar móttökur með blöðrum og tilheyrandi. ekki slæmt! að hitta vini og vandamenn hefur verið frábært, þó svo að margir haldi ennþá að við höfum þurft að fá einhverja hvíld og þora hvorki að hringja né dingla bjöllunni. við getum kannski tekið einhverja smá sök á okkur að auglýsa ekki betur að við séum virkilega komin á klakann. só common people, það er haugur af framkölluðum myndum sem bíða eftir að láta berja sig augum, svo við tölum ekki um ferðasöguna sem við bíðum í ofvæni eftir að þreyta ykkur með:)



handahlaupsþema ferðarinnar má svo sjá hér í myndbandsformi. znilldar vídeó, þar sem maggan fer á kostum og nær sér í tyggigúmmí klessu og belju dellu á hendurnar í hverju landi. hækkið vel í græjunum því algjört skilyrði er að láta tónlistina óma... hátt. annað myndband mun svo líta dagsins ljós eftir nokkra daga með glefsum og ómetanlegum klippum frá þessum heimsóttu löndum. gott ef dugnaður kíki svo ekki í heimsókn á myndasíðuna eftir langa fjarveru. hann ætlaðist nú reyndar til þess að fólk kíkti í a8 og fengju new york súkkí (fyrstir koma, fyrstir fá:) og kaffi á meðan flett væri í gegnum albúmin:)



engin undur og stórmerki munu gerast á þessari síðu næstu misserin, nema við lendum í einhverjum ævintýrum, þá verður að sjálfsögðu greint samviskusamlega frá þeim hér.



þökkum þeim sem hlýddu og skrifuðu hlý orð til okkar á meðan ævintýrinu stóð - það var ómetanlegt. hinum þökkum við líka, þessum sem kíktu og hleruðu en skildu minna eftir sig, en þeir voru fjööööööölmargir:)

18 Comments:

Anonymous Bryndís Jónasdóttir hafði þetta að segja...

Velkomin heim og ég verð að segja, glæsilegt myndband:)

kv. Bryndís þríburafrænka

13:23  
Blogger Erla hafði þetta að segja...

velkomin heim
búið að vera mjög gaman að lesa ferðasöguna

13:37  
Anonymous esig og fam. hafði þetta að segja...

Loksins pistill frá ykkur, ég var næstum búin að hringja á Hjálparsveitina til að staðfesta núverandi dvalarstað ykkar.

Annars alveg frábært myndband!

"Magga frænka kann svo vel að fara í handahlaup" - NMH.

Hvað með Las Vegas/LA?

Söknum ykkar,

20:24  
Anonymous Elísabet Rán hafði þetta að segja...

Myndbandið er snilld :)

00:01  
Anonymous Ásta hafði þetta að segja...

Ok. Ég er ljóshærð. Hvar í andsk... finn ég þetta videó?
Er að farast úr spenningi!!

13:32  
Anonymous Sigga Harpa hafði þetta að segja...

Velkomin heim snúllurnar mínar.. það er búið að vera frábært að lesa ferðasöguna... ég er alveg heilluð og sá þetta allt saman fyrir mér.. þetta er eitthvað sem ég þarf að gera - þegar ég er búin að vinna í lotto eða giftast olíufursta.. en það kemur að því.. heheh

14:18  
Anonymous maggan hafði þetta að segja...

Þessi athugasemd hefur verið fjarlægð af stjórnanda bloggs.

17:41  
Blogger 0706 hafði þetta að segja...

það er kominn linkur á hægri hlið síðunnar, myndbandasíðan:)

20:18  
Anonymous magga múslimi hafði þetta að segja...

hvað segir ástan, ertu búin að sjá kvikmyndina:)

14:03  
Anonymous Nafnlaus hafði þetta að segja...

Takk fyrir handahlaupasýninguna sem sagt heimsreisa á handahlaupum eða hvað,Robbi varst bara á þínum tveimum,?????? Frábært framtak.
Ég hlakka til að fá að sjá meira á sunnudaginn.
Knús frá mömmunni í Koppó

23:33  
Blogger vésí beib hafði þetta að segja...

ég sem lifi og hrærist í netheimum var fyrst núna að kveikja á myndbandi robbans þarsem maggan fer handahlaup um heiminn - hló allan tímann og lét geitur horfa á þetta með mér sirka 5 sinnum í röð, ærandi snillllld!

20:19  
Anonymous Atli spronari hafði þetta að segja...

Velkominn heim :-)

14:46  
Anonymous Helga Rúna hafði þetta að segja...

Velkomin heim!! Held að við verðum að fara að hittast allar skvísurnar og þú segir ferðasögu á meðan við hinar hlustum ;)

21:39  
Anonymous Helga Rúna hafði þetta að segja...

Þetta er snilldar myndband af þér Magga, vissi að þú værir fjölhæf en vissi ekki að þú værir með svona fimleikagen í þér...:)

21:54  
Anonymous Þyrí hafði þetta að segja...

Frábært myndband - þú varst alltaf betri og betri með hverju handahlaupi!!
Hlakka til að kíkja á myndirnar
kv. Þyrí :)

20:45  
Anonymous sigga harpa hafði þetta að segja...

snilldar myndband.. handahlaupin í hverju landi.. þetta er frábært.. ef ég fer einhvern tímann í heimsreisu þá verður maður að gera eitthvað svona... frábært...

21:24  
Anonymous Nafnlaus hafði þetta að segja...

Stórkostlegt myndband krakkar. Velkomin heim á klakann, mikið svakalega öfunda ég ykkur (og samgleðst að sjálfsögðu) með þessa ferð. Ég er nú reyndar svo mikill nörd að af öllum stöðunum öfunda ég ykkur mest að hafa verið í Hobbiton í Nýjasjálandi haha.

Flottar hneygingar hjá Margréti eftir hvert handahlaup:)

Kveðja frá Hrafnhildi aka krummalíus

12:21  
Blogger Shara hafði þetta að segja...

Good day , This is a good article site.
i found many information here.
-----------------------------------------------
http://global-in-arm.com
Good luck,

10:50  

Skrifa ummæli

<< Home